सीपिं ३१ म्ह थ्यन

येँ (सन्ध्या टाइम्स)/दैलेखय् म्हिगः जूगु बस दुर्घटनाय् लानाः सीपिनि ल्याः ३१ थ्यंगु दु। २३ म्हेसिया सनाखत जूगु दुसा सीपिं अझ अप्वः दयेफुगु अनुमान दु। खुसिइ कुतुं वंगु बस लिकायेगु कुतः जारी हे दनि। सुर्खेतं वःबलय् मुक्कं ३३ म्ह जक मनू च्वनावःगु उगु बसय् लँय् दथु दथुं आपालं मनूत तया हःगुलिं उकी धाथें गुलि मनू दु धकाः पाय्छि ल्याः बी मफुगु खँ प्रहरीं धाःगु दु। थप मनू मालेगु ज्या जारी हे दु ।