राष्ट्रपति यादव व प्रचण्ड दथुइ खँल्हाबंला

राष्ट्रपति डा. रामवरण यादव व एनेकपा (माओवादी)या अध्यक्ष पुष्पकमल दाहाल 'प्रचण्ड' दथुइ खँल्हाबंला जूगु दु ।

राष्ट्रपतिया ज्याकू शितल निवासय् जूगु खँल्हाबंलाय् राष्ट्रपति यादवं विपक्षी दलया नेताया हैसियतं जिम्मेवार जुइत प्रचण्डयात इनाप यानादिल । वय्कलं संविधान निर्माण थंज्याःगु गम्भीर विषय इलय् हे क्वचायेके माःगुलिं जिम्मेवारीसाथ प्रस्तुत जुइत इनाप यानादिल ।

राष्ट्रपतिया स्वकीय सचिव ललित बस्नेतया कथं संविधान निर्माण व शान्ति प्रकृयायात तार्किक निष्कर्षय् थ्यंकेत आवश्यक जूगु खँ खँल्हाबंलाया झ्वलय् राष्ट्रपति यादवं धयादीगु खः । नापं वय्कलं इलय् हे संविधान निर्माण यायेत आः दक्वं गम्भीर जुया लगेजुइमाःगु धयादीगु खः ।