संसदया महसचिवय् भट्टराई

राष्ट्रपति डा. रामवरण यादवं व्यवस्थापिका संसदया महासचिवय् मनोहरप्रसाद भट्टराईयात नियुक्त यानादीगु दु । निदँ न्ह्य: निसें खाली दुगु महासचिव पदय् संसद् सचिवालयया सचिव भट्टराई नियुक्त जुयादीगु खः । तत्कालीन महासचिव सूर्यकिरण गुरुङ रुसया निंतिं राजदूत जुइवं २०६३ पुस १७ गते निसें महासचिवया पद खाली जुयाच्वंगु खः । भट्टराईयात महासचिव पदय् नियुक्त यायेवं संसद् सचिवालयया पद खाली जूगु दु ।