नेपाः पार्टीया ख्वाःपौ
येँ (सन्ध्या टाइम्स)/नेपाः राष्ट्रिय पार्टीया थःगु हे ख्वाःपौ पिहां वइगु जूगु दु। थ्वहे वइगु शुक्रवाः छगू ज्याझ्वःया दथुइ पार्टीया ख्वाःपौ 'नसला' विमोचन जुइ। लिसें उगु हे ज्याझ्वलय् 'राज्य पुनर्संरचनाय् नेपाः राष्ट्रिय पार्टीया भूमिका' विषयय् अन्तर्क्रिया नं जुइगु खँ पार्टीं धाःगु दु ।
उकथं हे वइगु शनिवाः २ बजे पार्टीया यल कचापाखें 'वतमान राजनीतिइ परिस्थितिइ नेपाः राष्ट्रिय पार्टीया अवधारणा' विषयय् नं अन्तर्क्रिया यायेत्यंगु दु। नेपालभाषा मंकाः खलःया छेँ त्यागलय् उगु ज्याझ्वः जुइ। नेपाः पार्टीं थौंकन्हय् प्रस्तावित १४ प्रदेशया विवादास्पद नक्साया थासय् 'सामर्थ्य' व 'पहिचान' निगुलिं दुथ्याःगु न्हूगु अवधारणा न्ह्यःने हयाच्वंगु दु ।
