उद्घोषण तालिम
यल (सन्ध्या टाइम्स)/सगरमाथा बचत समूहया ग्वसालय् जूगु लछिया उद्घोषण तालिम क्वचाल। समापन ज्याझ्वलय् मूपाहां यल उपमनपा ७ वडाया दुपाट टोल सुधार समितिया न्वकु पूर्णबहादुर महर्जनं सकलें सहभागीतय्त दसिपौ लःल्हानादीगु खः ।
ज्याझ्वलय् ७ वडा स्वास्थ्य समितिया नायः अमिर महर्जन, प्रशिक्षक नरसिंहलाल चखुं, प्रशिक्षार्थी निरोज महर्जन, सल्लाहकार न्हुछेलाल महर्जन, संयोजक सानुछोरी महर्जन आदिपिंसं तालिम बारे कुलादिल ।
जिथिम्ह दुजः मनमाया महर्जनया सभापतित्वय् जूगु उगु ज्याझ्वलय् बचत समूहया न्हय्क्वःगु वार्षिक साधारण सभा नं याःगु खः ।
