प्रधानन्यायाधीशय् रामप्रसाद श्रेष्ठ

संवैधानिक परिषदं प्रधानन्यायाधीशय् सर्वोच्च अदालतया वरिष्ठ न्यायाधीश रामप्रसाद श्रेष्ठयात सिफारिस याःगु दु ।

उमेर हदया कारणं प्रधानन्ययाधीश अनुपराज शर्माया ई वइगु चैत १२ गते तक जक जूगुलिं मंगलवाः च्वंगु परिषद्या बैठकं श्रेष्ठया नां सिफारिश याःगु खः । वय्कया नां संसदीय सुनुवाईया बैठकं अनुमोदन यायेवं राष्ट्रपतिं वय्कयात प्रधानन्यायाधीश पदय् नियुक्त यानादी ।

मंगलवाःया बैठकय् प्रमुख विपक्षी दलया नेता पुष्पकमल दाहाल 'प्रचण्ड' उपस्थित जुयामदीसां वय्कलं मौखिक रुपं सहमति प्वंकेवं श्रेष्ठया नां सिफारिश याःगु खः ।