मंकाः संघर्ष समितिइ थनिनिसें सानुराजा शाक्य नायः

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिया न्हूगु सांगठनिक संरचना कथं थनिंनिसें नेकपा (एमाले)या जातीय मोर्चा नेपाः लोकतान्त्रिक नेवाः संघया नायः सानुराजा शाक्य नायः जुयादीगु दु ।

लय्लय्पतिं मंकाः संघर्ष समितिया झिगू दुजः खलः पुचःया नायःत हे नायः कथं हिलेगु प्रावधान कथं थनिंनिसें लछिया निंतिं भाजु सानुराजा शाक्य नायः जुयादीगु खः। थौं हे मंकाः संघर्ष समितिया मुँज्या नं च्वनीगु जूगु दु। अथे हे लछि लिपा नेवाः जागरण मञ्चया नायः सुजिव बज्राचार्य मंकाः संघर्ष समितिया मेम्ह नायः जुयादी ।