पण्डित हेमराजया अन्त्येष्टि क्वचाल

यल (सन्ध्या टाइम्स)/मदुम्ह लिपि विशेषज्ञ पण्डित हेमराज शाक्यया थौं अन्तिम संस्कार जुल। थनया बालुकुमारी दीपय् वय्कःया तःधीम्ह काय राजेन्द्र शाक्यं मि तयादीगु खः। व स्वयां न्ह्यः वय्कःया छेँनिसें शवयात्रा यानाः दीप तक थ्यंकूगु खः। अन्तिम संस्कारय् भाषा ख्यःया आपालं कार्यकर्तातय्सं ब्वति काःगु खः। पण्डित हेमराज शाक्य म्हिगः सुथय् आकाझाकां मदुगु खः। वय्कः ८६ दँ दुम्ह खः।