१६ परिवारया १७ खा छेँ च्यात
येँ (सन्ध्या टाइम्स)/सप्तरीया कोबर्साइन धइगु लागाय् वंगु चान्हय् झिंखुगू परिवारया झिंन्हय्खा छेँ च्यानाः लाखौं तकाया धनमाल नष्ट जूगु दु। छेँ नापनापं १८ गू गोठ समेत च्याःगु जानकारी प्रहरीं बिउगु दु ।
म्हिगः बहनी आकाझाकां कोबर्राइनया मुनर खडया सा म्येय् तइगु गोठंनिसें च्याःगु मिं झिंखुगू परिवारया झिंन्हय्खा छेँ तकं च्याःगु खः। थुकी लानाः छगू कथं अनया छगू त्वाःया फुक्क हे छेँ पूर्ण रुपं च्याःगु दु ।
उगु लागाय् अथे मि च्यायेवं स्थानीय मनू, दमकल व प्रहरीया कुतलं चान्हय् हे मि नियन्त्रणय् कायेत ताःलाःगु खः ।
उगु मिं नयाः थ्यंमथ्यं नीखुगू लाख तकया धनमाल क्षति जूगु दु धकाः प्रारम्भिक अनुमान याःगु दु। उगु घटनायात कयाः सप्तरीया स्थानीय प्रहरीं अनुसन्धान नं यानाच्वंगु दु ।
