असमान सन्धीत खारेज यायते संसदीय समितिया माग
व्यवस्थापिका संसदया अन्तर्राष्ट्रिय सम्बन्ध व मानव अधिकार समितिं भारत नाप सन् १९५०य् जूगु नापं मेगू थीथी असमान सन्धीत खारेज यानाः न्हूगु सन्धी यायेत सिफारिस याःगु दु ।
झापा निसें कञ्चनपुर तकया विवादस्पद सीमा क्षेत्रया स्थलथत अवलोन लिपाः समितिं तयार यानाः मंगलवाः संविधानसभा अध्यक्ष सुवास नेम्वाङयात लःल्हाःगु प्रतिवेदनय् असमान सन्धीत खारेज यानाः न्हूगु सन्धी यायेत सिफारिस यायेगु नापं दक्वं विवादस्पद स्थानय् भारतं सीमा अतिक्रमण याःगु खँ न्ह्यथंनातःगु दु ।
प्रतिवेदनय् सीमा क्षेत्रया दश गजा कायम व व्यवस्थित यायेमाःगु, पुलांगु नक्सा नापं न्हूगु नक्सा मिले यानाः विवाददित् खम्बात दर्जा तोके यायेमाःगु लगायत सिफारिस याःगु दु । अथेहे सुस्ता व कालापानीलय् न्हूगु नक्सांकन यायेमाःगु व मैत्रीपूर्ण सम्बन्धया निंतिं असमान सन्धीत खारेज यानाः न्हूगु सन्धी यायेमाःगु सिफारिस याःगु दु ।
समितिं दकलय् अप्व समस्या सुस्ता व टनकपुरय् दुगु खँ न्ह्यथंगु दुसाः रुपन्देहीया रसियवाल खुर्दलोटन बाँधया कारणं च्यागू गाविस प्रभावित जूगु व विश्व सम्पदा क्षेत्रया रुपय् दुगु मायादेवी द्येग नं डुवाना खतराय् दुगु खँ धाःगु दु ।
