नक्कली भारु सहित छम्ह पाकिस्तानी ज्वन

‍नक्कली भारतीय ध्यबा सहित छम्ह पाकिस्तानी मिसायात प्रहरीं त्रिभुवन अन्तर्राष्ट्रिय विमानस्थलय् सोमवाः ज्वंगु दु । पाकिस्तानी एयरलाइन्सं कराँचीं येँय् वःम्ह मारियम नांया पाकिस्तानी नागरिकयात स्वीगु लख भारतीय ध्यबाः सहित प्रहरीं ज्वंगु खः । बिस्कुटया कार्टुन दुने कापतं प्व:चिना हःगु द्वछि वंगु ५ लख व न्यास वंगु २५ लख नक्कली भारु सहति मारियमयात ज्वंगु खः ।

अथेहे भारतीय नक्कली ध्यबाः ह्येत ग्वाहालि याःगु द्वपंनय् निम्ह प्रहरी जवानयात नं ज्वंगु दु । प्रहरी जवान जितेन्द्र गिरी व सगिर मियाँयात नं ज्वंगु खँ प्रहरीं धाःगु दु ।