बस दुर्घटनाय् नीम्ह घाःपाः

रामेछापया भिरपानीं मन्थली वनाच्वंगु छगः यात्रुबहाक बस सोमवाः न्हिनय् भिरपानीलय् दुर्घटना जुयाः चालक सहित नीम्ह यात्रुत गम्भीर घाःपाः जूगु दु । घाःपाः जूपिं मध्ये खुम्ह प्रहरी जवान जूगु व छम्ह प्रहरी जवान सहित न्हय्म्हेसिया अवस्था चिताजनक जूगु खँ धाःगु दु । चिन्ताजनक अवस्था जूपिंत येँय् हःगु दु । क्षमता स्वयां अप्व यात्रुत ज्वनाः वःगु बस ब्रेकफेल जुयाः सतकं ५० मिटर क्वये कुतुवंगु खँ जिल्ला प्रहरी ज्याकू रामेछापं धाःगु दु । प्रहरीया कथं बसय् ७० म्ह स्वयां अप्व यात्रुत दुगु खः ।