न्हि झिंनिघौ स्वयां अप्वः लोडसेडिङ जुइमखु : महत
ऊर्जा मन्त्री डा. प्रकाशशरण महतं थ्व दँय् झिंनिघौ स्वयां अप्वः लोडसेडिङ जुइमबीगु कथं सरकारं ज्या न्ह्याकाच्वंगु खँ धयादीगु दु । वय्कलं वंगु दँय् न्हि झिंच्याघौ लोडसेडिङ जुसां थुगु दँय् झिंनिघौ स्वयां अप्वः लोडसेडिङ जुइमबीगु धयादिल ।
विश्व उपभोक्ता अधिकार दिवसया लसताय् उपभोक्ता हित संरक्षण मञ्च नेपालं सोमवा: येँय् याःगु अर्न्तक्रिया ज्याझ्वलय् वय्कलं न्हापा ताः ई तक द्वन्द्वं प्रभावित जूगुलिं जलस्रोतया विकास जुइमफुगु धयादिसें आः उकीया विकासया निंतिं विदेशी लगानीकर्ता आकर्षित जूगुलिं छुं दँ लिपा हे लोडसेडिङ न्यून जुइगु धयादिल ।
'विद्युत संकट, उपभोक्ताया च्यूता व समाधानया उपाय' विषयक अर्न्तक्रिया ज्याझ्वलय् मन्त्री महतं ऊर्जा संकट चीकेत सरकार, नागरिक समाज व निजी क्षेत्र दथुइ समन्वय जुइ आवश्यक जूगु धयादिसें ऊर्जा संकट अन्त्यया निंतिण मन्त्रालयं ऊर्जा रणनीतिक ह्येत्यनाःगु जानकारी बियादिल ।
