रक्षामन्त्री व प्रधानसेनापति नाप स्पष्टिकरण काइगु

व्यवस्थापिका संसद, महिला बालबालिका व समाजकल्याण समितिं बर्दिया राष्ट्रिय निकुञ्ज परिसरय् सेनाया गोलीं लाना: स्वम्ह मिसात सीगु बारे रक्षामन्त्री विद्यादेवी भण्डारी व नेपाली सेनाया प्रधानसेनापति छत्रमानिसंह गुरुङ नाप स्पष्टिकरण काइगु जूगु दु । समितिया सभापति सन्ध्यादेवीया अध्यक्षताय् आइतवाः च्वंगु समितिया बैठकं वंगु फागुन २५ गते निकुञ्ज परिसरय् जूगु घटनाया बारे स्पष्टिकारण कायेत रक्षामन्त्री व प्रधानसेनापतियात चैत ३ गते सतेगु निर्णय याःगु खः ।

वंगु फागुन २५ गते गस्तीइ वनाच्वंगु सेनां क्येकूगु गोलीं लाना: सुर्खेत हरिहरपुर गाविस-२या स्वीन्यादँया देवीसरा विक, स्वीस्वदँया अमृता विक व झिंनिदँया चन्द्रकलाम विक सीगु ख: ।