प्रम औपचारिक ज्याझ्वलय् मवनीगु
येँ (सन्ध्या टाइम्स)/प्रधानमन्त्री माधवकुमार नेपाल न्हूगु संविधान निर्माणय् बः बीत वइगु १५ गते तक औपचारिक ज्याझ्वलय् मवनीगु जूगु दु। आवंलि १५ गते तक छुं नं कथंया उद्घाटन, शिलान्यास नापं थीथी कथंया औपचारिक ज्याझ्वलय् वनी मखु धकाः प्रमया सल्लाकार रघुजी पन्तं कनादीगु दु। प्यखेरं प्रधानमन्त्री संविधान निर्माण ज्याय् केन्द्रित मजुसे औपचारिक ज्याझ्वलय् जक केन्द्रित जुयाच्वन धकाः आलोचना जुया वःगुलिं प्रमं थ्व घोषणा यानादीगु खः ।
अथे हे संविधान निर्माणयात ध्यानय् तयाः संविधानसभाया नायः सुवास नेम्वाङ नं थनिंनिसें स्वनिगलं पिने पिहां मवनीगु जूगु दु ।
