स्वयम्भुइ ज्ञानमालाया ससुपुजा
येँ (सन्ध्या टाइम्स)/ज्ञानमाला भजन खलःपाखें दँय्दसं थें थुगुसी नं ससुपुजा (महामञ्जुश्री पुजा) ज्याझ्वः यात।
थुगुसी पुजा लिपा स्वयम्भु क्वय् कसाः ख्यलय् भ्वय् नकेगु ज्या जूगु खः। उगु भ्वजय् ४०० म्ह मनुखं ब्वति काःगु खः। भ्वय्या लागिं ज्ञानमालां १५० तका वंगु कुपन मिउगु खः।
ज्याझ्वलय् ज्ञानमाला भजन यायेगु ज्या नं जूगु खः। लिसें ज्ञानमाला भजन खलः स्वयम्भुयात ग्वाहालि याना वयाच्वंपिं थीथी व्यक्तित्वपिंत सुभाय् पौ बीगु ज्या नं जूगु खः। ज्याझ्वलय् ज्ञानमाला भजन लिसे सम्बन्धित आपालं मनूतय्सं ब्वति काःगु खः ।
