समितिं सःतूगु मसिउ: सुजाता
येँ (सन्ध्या टाइम्स)/उप प्रधान व परराष्ट्र मन्त्री सुजाता कोइरालां मेशीन रिडेबल पासपोर्ट (एमआरपी) सम्बन्धय् संसदीय व्यवस्था अन्तर्गतया सार्वजनिक लेखा समिति स्पष्टिकरण कायेत थःत सःतूगु बारे छुं मसिउगु खँ संचारकर्मितय्त धयादीगु दु ।
मन्त्रीपरिषद्या बैठक लिपा मन्त्री कोइरालां समितिं एमआरपीया बारे न्यंगु न्ह्यसःया जानकारी मन्त्रालयया सचिवयात बीधुंगु व थःत समितिइ वनेगु फुर्सद मदुगु खँ धयादीगु दु ।
वइगु अप्रिलं निसें न्हूगु पासपोर्ट एमआरपी लागू याय माःगु कारणं मन्त्रीपरिषद्या बैठकय् पासपोर्ट भारतय् हे छापे यायेमाःगु प्रस्तावय् सकसिनं सहमति प्वंकूगु वय्कःया धापू दु ।
अथेहे वय्कलं समितिया सभापतिया ल्याखं मखसे कांग्रेसया नेता जूगुलिं थः नापं विदेश यंकागुलिं थुकी विवाद यानाच्वनेगु आवश्यकता मदुगु नं वय्कलं न्हयथनादिल ।
