अनमिनं स्वंगू प्रमुख दलत नाप सहलह

नेपाः स्थित राष्ट्रसंघीय मिसन अनमिनं स्वंगू प्रमुख दलया नेतात नाप सहलह याःगु दु । अननिम व सरकार दथुइ स्वापू स्यनाच्वंगु इलय् आइतवाः यलया छगू होटलय् माओवादी, कांग्रेस व एमालेया नेतात नाप अनमिनं सहलह याःगु खः । उगु इलय् अनमिनया भूमिका, माओवादी लाडकुया समायोजन आदिया बारे सहलह जूगु खः । नापं अनमिन प्रति सरकारं प्वंकूगु असन्तुष्टि बारे अनमिन प्रमुख करिन लेनग्रेनं दलतय् बिचाः थुइकादीगु खः ।

सरकारं माओवादी लडाकुतय् ल्याः अनमिनं मब्यूगु धासें असन्तुष्टि प्वंकाच्वंगु दुसाः अनमिनं लडाकुतय् ल्याः गोप्यतय्गु सम्झौता जूगुलिं उपलब्ध यायेमफइगु खँ धयाच्वंगु दु ।