थौं नायः दिवस

येँ (सन्ध्या टाइम्स)/नेवाः समुदाय दुनेया नायः जातिं थौं निक्वःगु नायः दिवस तःजिक न्यायेकीगु जुयाच्वंगु दु। नेपाल खड्गी सेवा समितिया ग्वसालय् थगुनेनिसें पाहां चःर्‍हेयात नायः दिवस धकाः हना वयाच्वंगु दु ।

थ्वहे झ्वलय् थौं न्हिनय् येँया वसन्तपुलिं नाय्खिं बाजं थानाः सांस्कृतिक र्‍याली पिकाइगु जूगु दु। र्‍याली येँदेय् चाःहिलाः बसन्तपुली तुं थ्यंकाः छगू समारोह यासें क्वचायेकीगु ज्याझ्वः दु। उगु ज्याझ्वलय् थीथी सांस्कृतिक नापं कासा सम्बन्धी ब्वज्यात नं जुइगु खँ ग्वसाः खलकं धाःगु दु ।