उत्तर कोरियाया वरिष्ठ अधिकारी बेइजिङय्

उत्तर कोरियाया सत्तारुढ वर्कर्स पार्टी अफ कोरियाया वरिष्ठ अधिकारी किम योङ इल मंगलवा: बेइजिङ थ्यंकूगु दु । जनवरीइ पार्टीया वैदेशिक मामिला विभागया निर्देशक नियुक्त जुयादीम्ह किमया थ्व न्हापांगु चीन भ्रमण खः । थ्व भ्रमणं उत्तर कोरियाया राष्ट्रपति किम जोङ इलया सम्भावित चीन भ्रमणया विषयस किमं थः समकक्षी चिनियाँ कम्युनिष्ट पार्टीया वैदेशिक मामिला विभाग प्रमुख वाङ जियारुईलिसे सहलह यायेफुगु धुकूमाः याःगु दु । फेब्रुअरी ८य् वाङ प्योङयाङ भ्रमणय् दुबले चिनियाँ राष्ट्रपति हु जिन्ताओया चीन भ्रमणया ब्वनापौ उत्तर कोरियाया राष्ट्रपति न्ह्यःने ल:ल्हानादीगु ख: । मंगलवा: बेइजिङ थ्यंबलय् किमयात चिनियाँ कम्युनिष्ट पार्टीया वैदेशिक मामिला विभागया अधिकारीतय्सं लसकुस याःगु खः ।

More Stories Like this