राज्य समितिया सुझावया आधारय् केन्द्रीय समिति बिस्तार

एकीकृत नेकपा (माओवादीं) राज्य समितिया सुझावया आधारय् केन्द्रीय समिति बिस्तार याइगु जूगु दु । मंगलवा: पार्टी मू ज्याकु कोटेश्वरय् च्वंगु स्थायी समिति बैठकय् केन्द्रीय समितिइ त:नेगु दुजःपिनिगु नां न्ह्यब्वयेत राज्य समितिया इन्चार्जतय्त उजं ब्यूगु दु । उजं बिइवं हे राज्य समितिया इन्चार्जतय्सं आन्तरिक सहलह न्ह्याकूगु दु । केन्द्रीय समितिइ तनेत्यंपिं दुजःतय्गु नां क्वःछीत सहलह नं न्ह्याकूगु स्रोतं जानकारी ब्यूगु दु ।

अथेहे माओवादीया केन्द्रीय समितिया बैठक विहिवाः सुथसिया च्याताः ईतकया निंतिं स्थगित जूगु दु । पार्टी नायःया कार्यव्यस्तताया हुनिं बैठक स्थगित जूगु खः ।