'ल्याय्म्हतय्गु दस्ता दयेकेगु पक्षय् कांग्रेस नेतृत्व मदु'

नेपाली कांग्रेसया नेता खुमबहादुर खड्कां ल्याय्म्हतय्गु दस्ता दयेकाः ल्वाभः क्वःबिइत नापं लिमचिलेगु धयाः वयाच्वंगु इलय् उगु हे पार्टीया बरिष्ठ नेता शेरबहादुर देउवां धाःसा ल्याय्म्हतय्गु दस्ता दयेकेगु पक्षय् कांग्रेस नेतृत्व मदुगु स्पष्ट खँ यानादीगु दु ।

नेपाली कांग्रेसं ल्याय्म्हतय्गु दस्ता मदयेकेगु बरु जनताया जिउ धनया रक्षा व शान्ति पलिस्थाया निंतिं वाईसिएल व युथफोर्सया विघटन यायेमाःगु वय्कःया माग दु । अर्घाखाँचीइ मंगलवा: ग्वसाःग्वःगु पत्रकार सम्मेलनय् नेता देउवां संघीयताया नामय् जातीय ल्वापू हयेत स्वःगु धयादिसें कांग्रेस जातीय एकता, सामाजिक सद्धभाव व मेलमिलाप दुगु संघीयताया पक्षय् दुगु धयादिल ।