नेटो सैनिकया हवाइ आक्रमणय् आपालं सित

अमेरिकी नेतृत्वया नेटो सैनिकपाखें बजिरस्तानय् याःगु हवाइ आक्रमणय् आपालं ल्याख् आम नागरिक सीगु खँ नेटों स्वीकार याःगु दु । हेलमण्ड प्रान्तया सिमा क्षेत्र उरुजगान प्रान्तय् नेटों याःगु हवाइ आक्रमणय् नीन्हय्म्ह सीगु व घाःपाः जूगु अफगानिस्तानी अधिकारीतय्सं जानकारी ब्यूगु दु ।

नेटो आक्रमणपाखें आम नागरिक सीवं अफ्गानिस्तानय् जनतां नेटो सेनाया वहिगर्मनया माग यासें तच्वकं विरोध याःगु दुसा राष्ट्रपति हमिद कारजाहिं धाःसा: नेटो सेनाया कूंखीनादीगु दु ।

उरुजगान प्रान्तया गभर्नर सुल्तान अलि उरुजगानीं हवाइ आक्रमणय् सीपिं मध्ये सु नं विद्रोही मजुसें फुक्क आम नागरिकत जूगु धायेवं नेटो सैनिकत दथुइ गम्भीर न्ह्यसः पिथंगु दु । अथेहे नेटों हमला याःगु स्वंगुलिं वाहनस आम नागरिक दुगु अफगानीस्तानया गृहमन्त्रालयं जानकारी ब्यूगु दु । सीपिं मध्ये मिसात व मस्त यक्व दुगु खःसा अफगानीस्तानस्थित नेटो सेनाया कमाण्डर स्टान्ले मैक्रिष्टलं घटनाप्रति दुःख प्वंकूगु दु ।

More Stories Like this