वइगु शैक्षिक सत्रनिसें पाठ्य सफूया मू थंहावनीगु

जनक शिक्षा सामग्री केन्द्र लिमिटेडं वइगु शैक्षिक सत्रनिसें फुक्क पाठ्य सफूया मू थकायेगु तयारी याःगु दु । केन्द्रया सञ्चालक समितिया थ्वहे वालय् च्वनीगु बैठकं मू थकायेगु निर्णय याइगु जूगु दु ।

भ्वँया मू व कर्मचारीतय्गु तलब थकागूलिं सफूया नं मू थकायेत्यंगु केन्द्रं जानकारी ब्यूगु दु । केन्द्रया प्रबन्ध सन्चालक वीरेन्द्रकुमार दासं मू थमकासा जनक शिक्षा सामग्री न्ह्याकेमफइगु धयादिसें मू थकायेगु तयारी जुयाच्वंगु कनादिल । छगू दशकनिसें मू थमकायेवं न्हापा स्वदँयादुने नीगू करोड तका द्याप जूगु खँ दासं खनादिल ।

More Stories Like this