भिसाया बारे बेलायतं हानं बिचा: याइगु

नेपाःमितय् अध्ययन भिसाय् तःगु रोक फुकुवा यायेगु विषयस बेलायतं मेगु लाय् हाकनं बिचाः याइगु जूगु दु । येँय् दुगु बेलायती दुतावासं थौं छगू विज्ञप्ति पिथना मार्च महिनानिसें भिसा रोक्काय् हाकनं बिचाः यायेगु जानकारी ब्यूसां ई धाःसा क्वःछ्यूगु मदुनि ।

नेपाःमिपिंत गुलिफत उलि याकनं भिसा आवेदन फुकुवा यायेगु विषयस बेलायत सरकार सकारात्मक दुगु खँ विज्ञप्तिइ न्ह्यथनातःगु दु । बेलायतय् अध्ययनया निंतिं आपालं ब्वमिपिनिगु आवेदन लाःगु धासें बेलायतं झिंन्हय्न्हू न्ह्यःनिसें नेपाःमितय् विद्यार्थी भिसा आवेदनय् रोक तःगु खः ।

More Stories Like this