कोइराला मफयाः बैठक स्थगित
येँ (सन्ध्या टाइम्स)/फुक्क कथंया राजनीतिक गतिरोध अन्त्यया नितिं धकाः नीस्वंगु स्वंगू ततःधंगु दलया शीर्षस्थ नेतात च्वनाः दयेकूगु उच्चस्तरीय संयन्त्रया बैठक थौं नं स्थगित जूगु दु ।
विहिवाःपतिकं च्वनेगु धयातःगु उच्चस्तरीय राजनीतिक संयन्त्रया थौं नं च्वने मफुगु खः। संयन्त्रया कजि नेपाली कांग्रेसया सभापति गिरिजाप्रसाद कोइराला म्हं मफुगुलिं थौंया बैठक स्थगित यायेमाःगु खः धाःगु दु ।
वंगु वालय् नं उच्चस्तरीय संयन्त्रया बैठक च्वने मफुगु खः। अबलय् नेतातय् लिमलाःगु कारण क्यनाः बैठक स्थगित याःगु खः। सूत्रं धाः कथं आः च्वनीगु थ्व बैठकय् संविधानसभापाखें न्हूगु संविधान दयेकेगु ज्या इलय् हे क्वमचाइगु जूगुलिं ई थपे यायेगु बारे खँ जुइगु सम्भावना दु ।
