नेवाः राज्य विरुद्ध क्षेत्रीतय् प्रदर्शन

येँ (सन्ध्या टाइम्स)/नेवाः राज्य नापं जातीय आधारय् राज्य निर्माणया विरोध यासें थौं क्षेत्रीतय्सं येँय् प्रदर्शन यानाच्वंगु दु। त्रिपुरेश्वरं छगू र्‍याली पिकासें खुल्लामंचय् सभा याइगु ज्याझ्वः दु। क्षेत्री समाज उपत्यका प्रचार प्रसार समितिपाखें थ्व प्रदर्शन व सभा यायेत्यंगु खः। छुं दिं न्ह्यः जक पोखराय् गठन याःगु क्षेत्री समाजं क्षेत्रीयात नं आदिवासीया धलखय् तयेमाःगु नापं राष्ट्रिय मुद्दाय् जनमत संग्रह यायेमाःगु माग याःगु दु। थ्वहे झ्वलय् क्षेत्रीतय् थ्व ज्याझ्वःयात शान्ति व संविधान विरोधी धासें प्रदर्शनय् ब्वति कायेत वयेत्यंपिं छथ्वः क्षेत्रीतय्त माओवादीं गोरखाय् पना बिउगु दु ।