सामुदायिक रेडियो नीति वइगु
येँ (सन्ध्या टाइम्स)/सञ्चार मन्त्री शंकर पोखरेलं सामुदायिक रेडियो धकाः लाइसेन्स कयाः राष्ट्रिय प्रशारणया ज्या यानाच्वंपिं एफएम रेडियोतय्त नियमय् दुने हयेगु लागिं आः सामुदायिक रेडियो सम्बन्धी बिस्कं हे नीति हये त्यनागु खँ कनादीगु दु। थुकिया लागिं तयारी जुयाच्वंगु खँ नं वय्कलं कनादिल ।
देशय् सामुदायिक रेडियोतय्सं मेगु माध्यम थ्यने मफुगु नेपाःया आपालं दुर्गम थासय् च्वंपिं सर्वसाधारण जनतायात नं सुसूचित यायेगु सशक्त माध्यमया भूमिका म्हिताच्वंगु कारणं अज्याःगु सामुदायिक रेडियो कथं विकास जुयाच्वंगु एफएमतय् प्रशंसा नं यानादिल ।
