संविधानय् नीन्हय्गू भागया व्यवस्था यायेगु प्रस्ताव
संविधानसभा सम्वैधानिक समिति अन्तरगत उपसमितिं संविधानय् नीन्हय्गू भागया व्यवस्था यायेगु प्रस्ताव सहित न्हूगु संविधानय् कघायेमागु खाका तयार यागु दु ।
उपसमितिया थौं च्वंगु बैठकं न्हूगु संविधानय् नीन्हय्गू भाग तयेगु उपयुक्त जुइगु सुझाव ब्युगु खँ समितिया दुजः सपना प्रधान मल्लं जानकारी बियादिल । अन्तरिम संविधानय् नीन्यागू भाग दुगुलिइ न्हूगु संविधानय् संघीय व्यवस्था सम्बन्धी निगू भाग थप यायेत्यंगु ख ।
न्हूगु संविधानय् झिंन्हय्गू संवैधानिक आयोगत दयेमा:गु प्रस्ताव उपसमितिं या:गु दु । प्रारम्भिक खाका तयार यायेगु व थुकि अझ सहलह याना: वइगु फागुन २ गते मू समितिइ समक्ष पेश याइगु उपसमिति संयोजक बर्षमान पुन 'अनन्तं' जानकारी बियादिल ।
थ्व स्वयां न्ह्य थौं हे सुथय् च्वंगु संवैधानिक समितिया बैठकं उपसमितिया म्याद न्यान्हू थप यायेगु निर्णय या:गु ख: । उपसमिति संयोजक अनन्तं न्यान्हूया निंतिं म्याद थप या:सां नं छन्हूं हे ज्या क्वचाइगुलिं समितिइ सहलह याना: न्हूगु ज्या न्ह्याकेगु धयादिल । उपसमितियात धाःसा ज्या यायेगु निंतिं धका समितितया बैठक फागुन २ गते तकया निंतिं स्थगित या:गु दु ।
