कांग्रेसया महाधिवेशन स्थगित

वइगु फागुनया लिप्पांगु वालय् यायेगु धाःगु नेपाली कांग्रेसया झिंनिक्वःगु महाधिवेशन स्थगित जूगु दु ।

मंगलवाः पार्टी मुख्यालय सानेपाय् च्वंगु केन्द्रीय कार्यसमितिया बैठकं महाधिवेशन सारे यायेगु निर्णय याःगु खः । तर बैठकं न्हूगु मिति धाःसाः क्वछीमफुत । पार्टी प्रवक्ता अजुननरिसंह केसीं पूर्व घोषित महाधिवेशनया मिति सारे यायेगु सहमति जूगु व गुवलय् यायेगु धइगु बारे सहलह जुयाच्वंगु कनादिल ।

वयेकलं न्हूगु संविधान निर्माण प्रकृयायात लिच्वः मलाइगु कथं न्हूगु मिति क्वछीगु कनादिल । नापं वयेकलं बिहीवाः च्वनीगु केन्द्रीय समितिया बैठक थुकीया बारे निर्णय याइगु धयादिल ।

पार्टीया झिगूलिं मल्याक जिल्ला कार्य समितिया विवाद व क्रियाशिल सदस्यता वितरण क्वछिनातःगु इलय् हे यायेमफुगुलिं महाधिवेशनया मिति सारे यायेगु समिति बैठकं याःगु खः ।