अनिश्चितकालीन मेची बन्द
येँ (सन्ध्या टाइम्स)/संघीय लिम्बुवान राज्य परिषद् अन्तर्गत सुकुम्बासी परिषदं थनिंनिसें अनिश्चितकालीन मेची अञ्चल बन्द आह्वान याःगु कारणं थौं सुथंनिसें हे अनया जनजीवन प्रभावित जूगु दु ।
वंगु १३ गते प्रहरीं ज्वंम्ह कार्यकर्ता गोपाल नागायात तत्काल त्वःतेमाःगु माग यासें थनिंनिसें मेची बन्दया आह्वान याःगु खः। संघीय गणतन्त्र नेपाल दुने लिम्बुवान स्वायत्त प्रदेशया माग याना वयाच्वंगु संघीय लिम्बुवान राज्य परिषद अन्तर्गतया सुकुम्वासी परिषदं बन्द आह्वान याःगु कारणं अन यातायात, पसः, शिक्षण संस्था नापं कलकारखाना तकं बन्द जुयाच्वंगु दु ।
