जमिमयात स्याः कुन्हु हे मेगु घटना
येँ(सन्ध्या टाइम्स)/गुकुन्हु लाजिम्पाटय् सञ्चार उद्यमि जमिम शाहयात गोलीं कयेकाः स्वात, वयां प्यघौ लिपा वहे लागाया लैनचौरय् छम्ह मनूयात मेपिं प्यम्हेस्यां खुकुरीं पालेगु घटना नं जूगु जुयाच्वन। शाहयात मोटरसाइकल गया वःपिं मनूतय्सं गोलीं कयेका थकूगु खःसा वकुन्हु हे सनिलया सवा ६ बजेपाखे छम्ह मोटरसाइकल सवारयात मेगु निगः मोटरसाइकलं लितुमतु लिनाः खुकुरीं पाला थकूगु खः।
जामय् लायेवं मोटरसाइकल त्वःताः छगू पसलय् बिसिउँ वंम्ह उम्ह मनूयात प्यम्हेस्यां पाला थकूगु खः। उमित नं आः तक ज्वने मफुनि ।
