शाहया हत्याय् छ्यगु मोटरसाइकल लुइकल

संचार व्यवसायी जमिम शाहया हत्याय् छ्यगु मोटरसाइकल येँया फुटुङय् बेवारिसे अवस्थाय् लुइकूगु दु । मंगलवाः न्हिनय् प्रहरीं फुटुङ वडा नं-१ स्थित साङ्लेखोला धइगु थासय् मोटरसाइकल लुइकूगु खः ।

येँया फुटुङय् बेवारिसे अवस्थाय् दुगु मोटरसाइकलया बारे स्थानीयवासीं जानकारी बीवं प्रहरी फुटुङ पाखे वंगु खः । अपराधीतय्सं शाहया हत्याय् बा. १७. प. ८७३३ नम्बरया ह्यांगु रङया यामाहा क्रक्स मोटरसाइक छ्यःगु खः ।

आइतवाः लाजिम्पाटय् जूगु हत्याकाण्डय् अपराधीत हत्या लिपा घटनास्थलं बालाजु जुया पूर्व साङ्लेखोला पुटुङया लँपू जुयाः फरार जूगु अनुमान प्रहरीं याःगु दु ।