'संविधान निर्माण यायेत शीर्ष नेतात गम्भीर मजुल'

नेकपा (एमाले)या वरिष्ठ नेता केपी शर्मा ओलीं संविधान निर्माण यायेत शीर्ष तहया नेतात गम्भीर मजूगु द्वपं बियादीगु दु ।

मंगलवाः पन्तिइ जूगु छगू ज्याझ्वलय् न्ववानादिसे वयेकलं संविधानसभाया बैठकय् शीर्ष नेतातय् उपस्थिति अतिकं म्हो जक जूगु धयादिसें असन्तुष्टि प्वंकादिल । वयेकलं इलय् हे संविधान निर्माण यायेत शीर्ष नेतात संविधानसभाया बैठकय् वनेमाःगु धयादिसें बैठकय् नं मवनेगु अले इलय् हे संविधान निर्माण जुइमखु धकाः पिने न्ववानाजुइगु विड्म्वनापूर्ण जूगु धयादिल ।

अथेहे वयेकलं वर्तमान सरकारं हे संविधान निर्माण याइगु धयादिसें सरकार परिवर्तन जूसाः इलय् हे संविधान निर्माण मजुइगु दाबी यानादिल । वयेकलं न्हूगु सरकार गठन जुसाः उकीया हे गृहकार्यय् ई वनीगुलिं चीहाक:गु इलय् गुकथं संविधान निर्माण जुइ धकाः न्ह्यसः तयादिल ।