प्रहरीयात नं छानविन यायेमाः : उपप्रम कोइराला

उपप्रधानमन्त्री नापं परराष्ट्रमन्त्री सुजाता कोइरालां संचार व्यवसायी जमिम शाहया हत्याया सम्बन्धय् प्रहरीया भूमिकायात कयाः नं अनुसन्धान यायेमाःगु खँ धयादीगु दु ।

मंगलवाः सुथय् मदुम्ह शाहया छेँय् वनाः वयेकया छेँजः नाप खँल्हाबंला यानादिसें वयेकलं दकलय् सुरक्षित धा:गु शहर येँय् नं न्हिनय् हे हत्या जुया अपराधी नं बिस्यूवने ताः लाःगुलिं प्रहरीया भूमिकाय् नं शकां अप्वःगु धयादिल । वयेकलं शान्ति सुरक्षाया अवस्था स्यंनावंगु खँ न्ह्यथंनादिसें प्रहरीं म्हितुगु भूमिकाय् छानबिन यायेमाःगु धयादिल ।

आइतवाः न्हिनय् स्पेशटाइम नेटवर्क व च्यानल नेपालया अध्यक्ष जमिम शाहयात येँया सुरक्षा क्वातुगु लाजिम्पाटय् निम्ह अज्ञात मनूतय्सं गोलीं क्येकाः स्याःगु खः । सोमवाः उगु घटना छोटा राजन पुचःया भरत नेपालीं फोन यानाः जिम्मा काःगु दु ।