नेवाः सुचीकरण सहलह
येँ (सन्ध्या टाइम्स)/नेवाः समाज दुनेया थीथी जातियात गुगु कथं आदिवासी जनजातिया सूचीकरणय् दुथ्याकेगु धइगु विषयात कयाः म्हिगः आदिवासी जनजाति सूचीकरण आयोगया ज्याकुथिइ सहलह मुँज्या जुल। नेवाःतय्गु राष्ट्रय संगठन नेवाः देय् दबू, आदिवासी ज्यापु संघ व द्यःला पोडे उत्थान मंचया प्रतिनिधित दुथ्याकाः उगु सहलह ब्याकूगु खः। नेवाः समाज दुने विविधता दुगु खँयात स्वीकार यानाः नेवाः दुनेया छु छु जातियात सिमान्तकृत, लोपोन्मुख व अति सिमान्तकृतय् लाकेगु धइगु खँ क्वःछीत देय् दबुलिं जातीय खलः पुचः दथुइ सहलह ब्याकीगु जूगु दु ।
