ज्ञानेन्द्र शाहपाखें महायज्ञयात निगू लख दान

पुलांम्ह जुजु ज्ञानेन्द्र शाहं पन्ति जुयाच्वंगु निगू महायज्ञयात सोमवाः निगू लख दां दान बियादीगु दु । पन्तिइ जुयाच्वंगु मकर मेलाय् झायादिम्ह शाहं माइती विद्याश्रम दयेकेत जुयाच्वंगु महायज्ञ व इन्द्रेश्वर क्याम्पसय् एमए तिगं संचालन यायेत जुयाच्वंगु निगू बिस्कं बिस्कं महायज्ञयात छगू-छगू लख दां दान यानादीगु खः ।

वयेकलं पन्तिया त्रिवेणी कुण्डय् मोल्हुयाः बद्रीनाथ, केदारनाथ, सीतामाताया दर्शन यानादीगु खः । नापं वयेकलं इन्द्रेश्वर महाद्यया द्येगलय् नं पुजा अर्चना यानादीगु खः । शाह अन थ्यंगु इलय् सर्वसाधारणं वयेकयात लसकुल याःगु खः । विशेष यानाः जुजुवादी पार्टीया कार्यकर्तातय् विशेष उपस्थिति दुगु खः ।

शाह वइगु जुइवं मेला जुयाच्वंगु थायया सुरक्षा व्यवस्था कडा याःगु खः ।

Share