गृहमन्त्री रावल चीन प्रस्थान
गृहमन्त्री भीम रावल छवान्यंकया चीन भ्रमणया निंतिं नेपाःया प्रतिनिधिमण्डलया नेतृत्वय यानाः शनिवाः उखे पाखे प्रस्थान यानादीगु दु । गृहमन्त्री रावल प्रहरी महानिरीक्षक रमेशचन्द ठकुरी, सशस्त्र प्रकरी बलया महानिरीक्षक सनतकुमार बस्नेत व राष्ट्रिय अनुसन्धान विभाग प्रमुख अशोकदेव भट्ट लगायत सरकारी अधिकारीया नेतृत्व यासें चीन प्रस्थान यानादीगु खः ।
चीन प्रस्थना याये न्ह्यः त्रिभुवन अन्तराष्ट्रिय विमानस्थलय् पत्रकारत नाप खँल्हाबंला यानादिसें मन्त्री रावलं चिनियाँ अधिकारीत नाप आन्तरिक सुरक्षा व्यवस्थायात बल्लकेगु, सुरक्षा निकाय दथुइया स्वापू प्रगाढ यायेगु लगायत विषयलय् सहललह जुइगु कनादिल । नापं वयेकलं सुरक्षा निकायया निंतिं साधन स्रोत उपलब्ध याकेत, अपराध नियन्त्र यायेत व सीमा सुरक्षायात अझ व्यवस्थित यायेत आवश्यक ग्वाहालिया बारे थ:गु भ्रमणया झ्वलय् सहलह जुइगु कनादिल ।
अथेहे वयेकलं चीन विरुद्ध छुं नं गतिविधि नेपा:या भूमीं संचालन जुइमबीगु खँ चीनियाँ अधिकारीतय्त आश्वास्त यायेगु नं धयादिल ।
