बेलायतं नेपाली विद्यार्थीया भिसाय् अस्थायी रोक

नेपाल स्थित बेलायती दुतावसं नेपाली विद्यार्थीयात भिसा आवेदनय् अस्थायी रुपं रोक लगेयाःगु दु । बेलायतय् ब्वंवनिपिं नेपाःय विद्यार्थीत अप्वयेवं बेलायतं सोमवाः निसें लागू जुइ कथं आवेदन रोक्का याइगु खँ धाःगु दु ।

नेपाः स्थित बेलायत दूतावसं आइतवाः पिथंगु विज्ञप्तिइ न्हापाया दँया तुलनाय् थ्व दँय् दक्षिण एसीयाली देय्लय् ब्वंवनिपिं ल्याः उल्लेख्य रुपं अप्वःगुलिं तत्कालया निंतिं रोक लगे यायेमाःगु खँ धाःगु दु ।

विज्ञप्तिइ भिसाया आवेदन गुवले तकया निंतिं रोक्का याःगु बारे छुं न्ह्यथंनातःगु मदु । बेलायतं नेपाः सहित भारतया दिल्ली, चण्डीगढ व जालन्धर व बंगलादेशय् नं विद्यार्थीया भिसा आवेदनय् रोक लगे याःगु दु ।

More Stories Like this