अमेरिकी विदेशमन्त्रीया पाकिस्तान भ्रमणया झ्वलय् बिस्फोट

पाकिस्तानया पेशावरया छगू बजारय् जूगु शक्तिशाली बम विस्फोटय् लाना न्हेप्यम्ह सीगु दु । हःतालय् लाना चय्म्ह स्वयां अप्वः घाःपाः जूगु दु । अमेरिकी विदेशमन्त्री हिलारी क्लिन्टन पाकिस्तानया भ्रमणया झ्वलय् राजधानी इस्लामावादय् च्वनादीगु इलय् थुगु बिस्फोट जूगु ख । अमेरिकी विदेशमन्त्री हिलारी क्लिन्टन स्वन्हूया भ्रमणया निंतिं पाकिस्तान झायादीगु खः । विदेशमन्त्री क्लिन्टनया भ्रमण अमेरिका व पाकिस्तान दथुइया सम्बन्ध भिंकेगुलिइ केन्द्रित जूगु धाःगु दु । क्लिनटनं निगू देय्या सम्बन्ध अझ प्रगाढ जुइगु धयादिसें छुं महत्वपूर्ण सम्झौताय् ल्हाःचिंतयेगु जानकारी तकं ब्यूगु दु ।

More Stories Like this