'नेपाल संवत् न्हूदँयात राज्य स्तरं न्यायेकेमाः'

नेपालभाषा मंकाः खलः यलया ग्वसालय् न्हूदँ कुन्हु यलया मंगलं छगू तःजिगू सांस्कृतिक जुलुस यात । जुलुस यल दे चाहिला पुल्चोय् च्वंगु शंखधरया झ्वताय् स्वांमा क्वख्यायेका मंगलय् हे थ्यंकाः क्वचाःगु खः ।

जुलुस लिपा जूगु सभायात सम्बोधन यानादिपिंसं स्वीदँ न्ह्यः निसें जनस्तर पाखें त:जिक न्यायेकाः वयाच्वंगु न्हूदँ आः राज्यस्तर पाखें हे संचान जुइमाःगु खँय् बः ब्यूगु ख: । नेपालभाषा एकेडेमीया चान्सलर नापं ज्याझ्वःया मू पहां सत्यमोहन जोशी, ज्यापु समाज यलया नायः रामकाजी अवाले, यल मंकाः खलःया सल्लाहाकार डा. पुष्प राजकर्णिकार, हरिकृष्ण व्याजनकार लगायतं थःथःगु नुगः खँ तयादीगु खः ।

ज्याझ्वः नेपालभाषा मंकाः खलः यलया सभापति सुरेश प्रधानया सभापतित्व जूगु खः ।

(किपा - जुजुमान महर्जन)

More Stories Like this