नेपालभाषाय् न्हूगु वाःपौ - "ज्वजलपा"
किपू लागां मेगु न्हूगु नेपालभाषाया वाः पौ छगू समारोह दथुइ पिदंगु दु । थौं ने.सं. ११२९ कौलाथ्व पारु कुन्हु किपूया कृष्ण क्याटरीङ्गया हलय् सभासद् भाजु दिलीप महर्जनजुं उगु वाः पौया विमोचन यानादिल ।
भाजु नजरमान महर्जनया सभापतित्वय जूगु उगु ज्याझ्वलय् कृष्णहरि महर्जन, बद्रीलाल महर्जन, हरिकुमार महर्जन, सुरेन्द्र मानन्धर, सिद्धिकुमार मानन्धर, सरबकुमार महर्जनपिन्सं न्ववानादीगु खः । मू पाहां सभासद् भाजु दिलीप महर्जनजुं ज्वजलपा वाःपतिं नेवाः स्वायत्त राज्य स्थापना याकेगु नितिं तःधंगु भूमिका म्हितेमाःगु खँय् बः बियादिल ।
थुगु वाःपौया सम्पादक भाजु विरेन्द्र शाक्य, सम्पादक मण्डलय् डा. तुयु बहादुर महर्जन, जीवनकुमार महर्जन व श्रीकृष्ण तण्डुकार च्वनादीगु दु । प्रकाशक नजरमान महर्जन, ब्यबस्थापन पुचः डा. शिवशरण महर्जन, जुजुभाइ महर्जन, जितेन्द्र महर्जन च्वनादीगु दुसा कम्प्यूटर ले आउट भाजु राज्यरत्न वज्राचार्य मू संवादाता सनम श्रेष्ठ च्वनादीगु खः ।
More Stories Like this
सिक्किमय् येँयाःयात सरकारी मान्यता नेपालभाषा स्वस्थानी बाखं आः अडियोय् नेवाः स्वायत्त राज्य विरोधीतय्त खबरदारी पलिस्था चिनाखँ मुँज्याय् तिकिया फुति पितब्वज्या संचारकःमि ज्ञानकुमारयात पितृ शोक
