जाम यायां कोमल ओली

रविन राचलिका

'पोइल जाने पाउँ' धकाः प्याखं हुलीम्ह गायिका कोमल ओलीया कारणं यल व येँ स्वाःगु कुपण्डोल क्षेत्रय् लँ जाम जुइगु जुयाच्वंगु दु । ओलीं कार चले यायां मोबाइलय् खँ ल्हाइगु जूगुलिं जाम जुइगु खँ अनया स्थानीयबासी निरज महर्जनं जानकारी बियादिल ।

साउन ८ गते नं ओलीं थःगु छेँ सानेपां कुपण्डोल जुयाः येँ वनाच्वंगु खः, दुवातय् थ्यनेवं मोबाइलय् खँ ल्हाल्हां याना च्वनेवं ओलीया गाडी लँ दथुइ फसे जुल । अले उकिया कारणं अन ताःहाकःगु जाम जुल ।

ओली अन थ्यनीगु इलय् न्हिथं धयाथें जाम जुयाच्वंगु दु । स्थानीयवासीतय्सं ओलीयात गाडी चले यायेगु इलय् फोनय् खँ मल्हायेत तःकः इनाप यात, तर ओली धाःसा न्हाय्पनय् चिकं तयाच्वंगु दु । ट्राफिकतय्सं नं 'कलाकार खः, म्वाःल धकाः' अथें त्वःताच्वंगु दु ।

More Stories Like this