लाःलाःथें भाःथकाये मजिल

सम्पादकजु,

थौंकन्हय् बजाःभाः यक्व हे गोलमाल जुयाच्वंगु दु । लाक्वपाक्व भाः कयाः मियाच्वंगु दु । न्हियान्हिथं
धइथें भाः थहां वनाच्वगुं दु । छन्हु सथुय् तरकारी न्याः वना । छम्हं दाजु खःमुली तयाः लैं मियाच्वंगु । जिं किलों गुलि धकाः न्यना । पीतका धकाः लिसः बिल । गुलिं तक बीगु धकाः भाः यायां स्वीतकां तक बिल । किलों हे झितका पाक्क भाः याइगु । थथे हरेक तरकारीयागु भाः पाः ।

त्याक्सी गःसां मोटरपिच्छे मिटरं वइगु भाः पाः । अले न्ह्याबलें नयेत माःगु जाकि बजि दाल व चिनी नं थाकैं न्हय् साप थिके जुयाः गरीब जनताया प्वाः सुकू सुकू चिनधुकंल । न थ्व सरकारं जनतायात राहत बीगु पलाः ल्ह्वंगु दु । माओवादी सरकारय् वःबलय् जनतां यक्व हे आशा याःगु खः तर 'जुन जीगी आए पनि काने चिरको' धाःथें गथे वल अथे वन । आः झी जनतां सुइत विश्वास यायेगु धइगु खँय् अलमल जुइधुंकल ।

- कृष्णमान डंगोल,
मखगं गल्लि तुन्छेबहाः येँ ।

More Stories Like this

केन्द्रया अनुमति कयाः आर्थिक ज्या जुइ मखु
प्वंकेमखंगु श्रद्धांजिल
सुवर्ण शाक्य कि सुवर्णकेशरी ?
बांलाःगु सुझावयात सुभाय्
बजटें छु राहत बी थें ?