कोटेश्वरय् थौं नं प्रदर्शन जारी
येँ (सन्ध्या टाइम्स)/मचा अपहरणया द्वपनय् स्याना बिउपिं सबिन क्षेत्री व जीवन थापामगरया हत्यारायात कारवाही यायेमाःगु माग यासें थौं नं सीपिनि छेँजः व स्थानीय जनतां कोटेश्वर, पेप्सी कोला, जडीबुटी, कौशलटारय् प्रदर्शन याःगु दु ।
उमिगु प्रदर्शनया कारणं येँनं ख्वप जुयाः चले जुइगु यातायात ठप्प जूगु दु ।
उमिसं हत्यारातय्त कारवाही याये माःगु, मदुपिनि छेँजःयात क्षतिपूर्ति बीमाःगु आदि माग यानाः प्रदर्शन याःगु खः ।
उखे गाडीं क्यलाः मनू सीगु विरोधय् बाराया स्थानीय जनतां बारा पथलैया लँय् यातायात अवरुद्ध याना बिउगु दु ।
म्हिगः बहनी वीरगञ्जं पोखरा वनाच्वंगु ना. ३ ख ६६२८ नम्बरया बसं अःखः दिशां वयाच्वंगु ना. २ प ९४५० नम्बरया मोटरसाइकलयात ठक्कर नकेवं लिउने च्वना वःम्ह करिष्मा राय सीगु खः । स्थानीय जनतां लाश लँय् तयाः प्रदर्शन यानाच्वंगुलिं अनं येँय् वये-वने याइगु यातायात प्रभावित जुयाच्वंगु दु ।
