माओवादीं राष्ट्रपतियात बहिष्कार याइगु
येँ / (सन्ध्या टाइम्स) एमाले नेतृत्वया वर्तमान सरकारं तयार यानातःगु थःपिनि नीति तथा कार्यक्रम कन्हय् राष्ट्रपति डा. रामवरण यादवं सदनय् ब्वं वइगु ज्याझ्वः दुसा राष्ट्रपति सदनय् वयेवं माओवादी सभासद्तय्सं धाःसा राष्ट्रपतिया विरोध स्वरुप उगु इलय् सदन बहिष्कार यानाः पिहां वनीगु ग्वसाः दयेकूगु खँ सीदुगु दु ।
माओवादी सूत्रं धाः कथं कन्हय् थःपिंसं म्हितेगु थ्व भूमिकाया बारे निर्णय थ्यंक मजूनिसां थथे यायेगु बार पार्टी दुने सहलह धाःसा जुयाच्वंगु दु ।
लुमंकेबहः जू, माओवादीं राष्ट्रपतिया 'ख्वाः तकं मस्वयेगु' रणनीति कथं वय्कःयात सदनय् हे प्रवेश मयाकेगु धकाः न्हापा अडान काःगु खः । लिपा वय्कलं याःगु त्रुटिपूर्ण ज्यायात कयाः सदनय् हयाः सहलह यायेगु बचं सरकारं बिउगुलिं जक माओवादीं नं सदन चले याके बिउगु खः ।
राष्ट्रपति डा. रामवरण यादवपाखें कन्हय् सनिलया ४ बजे सरकारया नीति तथा कार्यक्रम संवोधन याइगु ज्याझ्वः दु ।
