ज्ञानेन्द्रया बुन्हि हनेग ल्वापुं विराटनगर बन्द
येँ / (सन्ध्या टाइम्स) पुलांम्ह जुजु ज्ञानेन्द्रया बुन्हि हनेगु झ्वलय् म्हिगः विराटनगरय् जूगु ल्वापुयात कयाः थौं माओवादीं विराटनगर बजाः बन्द यात ।
राष्ट्रवादी युवा समुहं उगु बुन्हि न्यायेकेगु ज्याझ्वः याःगु खःसा माओवादी कार्यकर्तातय्सं उकी हस्तक्षेप याःबलय् ल्वापु जूगु खः । तर ल्वापुइ प्रहरीं जुजुया मनूतय्त संरक्षण बियाः थः कार्यकर्तायात दाल धकाः थौं थ्व बन्द याःगु खः ।
