धम्मावती गुरुमांया ७६ दँ बुदिं हन
येँ / (सन्ध्या टाइम्स) अनागारिका धम्मावती गुरुमांया ७६ दँ बुदिंया लसताय् धर्मकीर्ति बौद्ध ज्ञानमाला भजन खलःपाखें न्हापा हे पिथना तयेधुंकूगु 'धर्मकीर्ति भजन माला' या छगू व निगू ल्याः विमोचन जुल । वसपोल गुरुमांपाखें हे उगु सीडीया विमोचन यानाबिज्याःगु खः ।
धर्मकीर्ति विहारय् वसपोलया ७६ दँ बुदिंया लसताय् न्हय्न्हुयंकं भन्तेपिंत ब्वनाः अभिधम्म पाठ याकूगु खःसा च्यान्हु कुन्हु वंगु असार १८ गते गुरुजुपाखें पाठ यायेगु ज्या जूगु खः ।
