बर्मी राजदूतपाखें सिरपाः इनेज्या
येँ / (सन्ध्या टाइम्स) अखिल नेपाल भिक्षु महासंघं न्ह्याकाच्वंगु नेपाल बौद्ध परियत्ति शिक्षाया परीक्षाय् ताःलाःपिं धर्मकीर्ति परियत्ति केन्द्रया विद्यार्थीपिंत छगू ज्याझ्वः दथुइ धर्मकीर्ति विहारय् सिरपाः इनेज्या व दसिपौ लःल्हायेज्या जुल । धर्मकीर्ति परीक्षा केन्द्रया केन्द्राध्यक्ष धम्मवती गुरुमांया सभापतित्वय् जूगु ज्याझ्वलय् वर्माया महामहिम राजदूत उ ते उपाखें सिरपाः व दसिपौ लःल्हानादीगु खः ।
परीक्षाय् दानवती गुरुमांपाखें परियत्ति सद्धम्म 'पालक' उपाधि नं त्याकूगु खः । वय्कःपिंत जगत शोभा स्मृति सिरपाः लःल्हाःगु खः ।
धम्मवती गुरुमांनं सिरपाः त्याकूम्हेसित द्वःछि तका दां नं लःल्हानाबिज्यात । ज्याझ्वलय् दान प्रदान नं याःगु खः ।
