राजनीतिक नियुक्तिया विरोधय् उद्योग प्रवेशय् बन्द
येँ / (सन्ध्या टाइम्स) गोरखकाली रबर उद्योग संचालन समितिं नेकपा एमालेया छम्ह दुजःयात तलब सुविधा नापं राजनीतिक नियुक्ति याःगु विरोधय् माओवादी समर्थित कर्मचारीतय्सं उगु उद्योगया महाप्रबन्धक कम्पनी सचिव व आर्थिक प्रमुखयात कार्यालय दुहां वनेगुपाखें पंगु दु ।
संचालक समितिया दुजलय् नियुक्त जूम्ह एमाले दुजः हरि काफ्ले उद्योगय् वयेत्यंगु खँ सीवं कर्मचारीत उद्योगया मू लुखाय् च्वनाः उमित पंगु खः । नापं नेपाल औद्योगिक कर्मचारी संगठन गोरखकाली रबर उद्योग इकाईं संचालक समितियात बिउगु गुंगू बुँदाय मागयात छुं वास्ता मयाःगु धासें उकिया सुनुवाई यायेगु िनंितं थप न्हय्न्हुया म्याद नं बिउगु दु । उगु ई तकया दुने नं छुं सुनुवाई मजुल धाःसा कडा रुपं आन्दोलनय् कुहां वयेगु ख्याच्वः कर्मचारीत संगठन बिउगु दु ।
